پولیس کا کہنا ہے کہ شکارپور کے علاقہ سکھیو ملک سے 7 افراد کو مبینہ اغوا کر لیا گیا ہے۔
تفصیلات کے مطابق شکارپور میں پولیس آپریشن روکنے کے لیے ڈاکوؤں نے 7 افراد کو اغوا کیا ہے، پولیس ڈاکوؤں کے تعاقب میں روانہ ہوگئی ہے۔
پولیس کا کہنا ہے کہ اغوا کئے گئے افراد میں 4 سالہ سلیمان، عزیز اللہ، نور محمد، فرحان، شفیع محمد شامل ہیں، پولیس کا کہنا ہے کہ جلد تمام لوگوں کو بازیاب کروالیا گیا ہے۔
اس سے قبل ایس ایس پی راجن پور عتیق طاہر کے مطابق راجن پور کے علاقے روجھان میں ڈاکوؤں نے پولیس چوکی پر حملہ کیا جس کے بعد حملہ آور 7 اہلکاروں کو اپنے ساتھ لے گئے تھے۔
ایس ایس پی راجن پور کے مطابق مغوی اہلکاروں میں لقمان، ذیشان، شاکر، صابر، جمشید ، صفدر اور مزمل شامل تھے۔
عتیق طاہر کا کہنا ہے کہ پٹ گینگ کے سربراہ عطااللہ پٹ نے پولیس اہلکاروں کو اغوا کیا جب کہ مغوی اہلکاروں کی بازیابی کے لئے پولیس کی بھاری نفری کچے کے علاقے میں روانہ کردی گئی ہے۔