کراچی میں سونے کے کارخانے میں ڈکیتی کا ماسٹر مائنڈ کون؟ پولیس نے پتہ لگالیا

کراچی : پولیس نے سونے کے کارخانے میں ڈکیتی کے ماسٹر مائنڈ کا پتہ لگایا اور 4 ملزمان کو گرفتار کرلیا۔

تفصیلات کے مطابق کراچی میں صدر صرافہ بازار میں سونے کے کارخانے میں ڈکیتی کرنےوالے 4 ملزمان کو گرفتار کرلیا گیا۔

ڈی آئی جی ساؤتھ اسد رضا نے بتایا کہ کارخانے کا مالک ہی ڈکیتی کا ماسٹر مائنڈ تھا، تاہم لوٹا ہوا سونابرآمد کرلیا گیا ہے۔

اسد رضا کا کہنا تھا کہ 27 اپریل کو دن 12 بجے 140گرام سونے کی ڈکیتی کی اطلاع دی گئی، معاملہ مشکوک ہونے پر کارخانے کے مالک اوررشتےداروں سےتفتیش کی۔

کارخانے کے مالک کاشف نے انکشاف کیا بھائی کے ساتھ ڈکیتی کامنصوبہ بنایاتھا، ملزم نےمالی پریشانی ،قرض سے جان چھڑانےکیلئےبھتیجے،رشتے دار سے ڈکیتی کرائی۔

ملزم نے ڈکیتی سے حاصل سونے سے اپنا قرض اتارنے کا منصوبہ بنایا تھا تاہم چاروں ملزمان کیخلاف پریڈی تھانے میں مقدمہ درج کرلیا گیا۔