بھارت میں گزشتہ روز ہندوؤں کا مذہبی تہوار دیوالی منایا گیا اس موقع پر ایک بھارتی خاتون نے کپتان سے ورلڈ کپ ٹرافی کا تحفہ مانگ لیا۔
بھارت میں جاری ورلڈ کپ میں مسلسل فتوحات اور پہلے راؤنڈ میں نا قابل شکست رہنے کے بعد میزبان ٹیم ورلڈ کپ جیتنے کے لیے سب سے فیورٹ ٹیم بن چکی ہے جب کہ اسی دوران وہاں ہندوؤں کا مذہبی تہوار دیوالی بھی جوش و خروش سے منایا جا رہا ہے۔
اس موقع پر ایک بھارتی خاتون پرستار نے کپتان روہت شرما سے دیوالی کے تحفے کے طور پر ورلڈ کپ کی ٹرافی کا مطالبہ کر دیا ہے۔
بھارت بھر میں خوشیوں اور روشنیوں کا تہوار دیوالی منایا جا رہا ہے۔ اس موقع پر کرکٹ فینز بھی انڈین کھلاڑیوں کو دیوالی کی مبارک باد دے رہے ہیں۔
ایسے ہی ایک تہنیتی پیغام میں رادھیکا چوہدری نامی صارف نے سماجی رابطوں کی ویب سائٹ ایکس پر بھارتی کپتان روہت شرما کی دیوالی کے موقع پر اپنی اہلیہ کے ہمراہ پوسٹ کی گئی تصویر کو ری ٹوئٹ کرتے ہوئے فرمائش کر دی کہ ’روہت بھائی ہمیں ٹرافی چاہیے۔‘
Rohit Bhai We want Trophy pic.twitter.com/XOYg05XjSO
— Radhika Chaudhary (@Radhika8057) November 11, 2023
انش شاہ نامی صارف نے روہت شرما کی ورلڈ کپ کی ٹرافی کے ساتھ تصویر شیئر کرتے ہوئے لکھا کہ دیوالی اس (ٹرافی) کے ساتھ بہت زیادہ بہتر ہوگی۔