ARYNews.tv | Urdu – Har Lamha Bakhabar

روہت شرما کو ٹاس کے وقت شرمندگی کا سامنا، ویڈیو وائرل

Written by

ویب ڈیسک

in

بھارت نے نیوزی لینڈ کو دوسرے ون ڈے میں 8 وکٹوں سے شکست دے کر سیریز میں 2-0 کی فیصلہ کن برتری حاصل کرلی۔

رائے پور میں کھیلے گئے دوسرے ایک روزہ  میچ میں روہت شرما نے ٹاس جیت کر کیویز کو بیٹنگ کی دعوت دی، مہمان ٹیم 34.3 اوورز میں 108 رنز پر ڈھیر ہوگئی، بھارت کی جانب سے محمد شامی کو تین وکٹیں حاصل کرنے پر میچ کا بہترین کھلاڑی قرار دیا گیا۔

 کیوی ٹیم کے 8 کھلاڑی ڈبل فگر میں نہ داخل ہوسکے جبکہ گلین فلپس 36 رنز کے ساتھ نمایاں رہے۔

بھارت کی جانب سے محمد شامی نے تین کیوی بیٹرز کو پویلین کی راہ دکھائی جبکہ ہاردک پانڈیا، واشنگٹن سُندر نے دو وکٹیں حاصل کیں اور محمد سراج نے چھ اوورز میں 10 رنز دے کر ایک وکٹ حاصل کی۔

بھارت کے مطلوبہ ہدف باآسانی دو وکٹوں کے نقصان پر حاصل کرلیا، کپتان روہت شرما نے 51 رنز کی شاندار اننگز کھیلی جبکہ شبھمن گل 40 رنز کے ساتھ ناٹ آؤٹ رہے۔

تاہم ٹاس کے وقت اس وقت دلچسپ صورتحال دیکھنے میں آئی جب روہت شرما ٹاس جیت کر فیصلہ کرنا ہی بھول گئے۔

وائرل ویڈیو میں دیکھا جاسکتا ہے کہ روہت شرما نے سکہ اچھالا جب وہ ٹاس جیتے تو تھوڑی دیر تک سر کھجاتے رہے پھر مسکراتے ہوئے فیلڈنگ کرنے کا فیصلہ کیا۔

کیوی کپتان ٹام لیتھم بھی اپنی مسکراہٹ نہ روک سکے، سوشل میڈیا صارفین کی جانب سے بھی ویڈیو پر دلچسپ تبصرے کیے جارہے ہیں۔

More posts