کراچی: سرجانی ٹاؤن کے علاقے شاہ بیگ گوٹھ سیکٹر 10 میں گھر کی چھت گرنے کا واقعہ پیش آیا ہے، جس کے نتیجے میں ایک 12سالہ بچہ دم توڑ گیا جبکہ 3 افراد زخمی ہوگئے۔
اے آر وائی نیوز کے مطابق پولیس ذرائع کا اس حوالے سے کہنا ہے کہ حادثے میں زخمی 12 سال کا رضا نامی لڑکا دم توڑ گیا، جبکہ حادثے میں 3 افراد زخمی بھی ہوئے ہیں، جنہیں عباسی شہید اسپتال منتقل کردیا گیا ہے۔
پولیس ذرائع کے مطابق مکان میں رہائش تھی، گراؤنڈ فلور اور ایک منزل پر مشتمل تھا، جہاں دینی تعلیم دی جاتی تھی، پہلی منزل پر چھت پریکاسٹ کی تھی، پہلی منزل کی چھت پرنعت خوانی جاری تھا، چھت وزن زیادہ ہونے کے بعد گر گئی۔
اس سے قبل پنجاب کے شہر حافظ آباد میں گھر میں آگ لگنے کے بعد چھت گر گئی تھی جس کے ملبے تلے دب کر 4 افراد جاں بحق اور چار زخمی ہو گئے تھے۔
غیرقانونی سمیں جاری کرنے میں ملوث افراد کی شامت آگئی
یہ افسوسناک واقعہ پنجاب کے شہر حافظ آباد کے علاقے رامکے چٹھہ میں جمعہ اور ہفتہ کی درمیانی شب پیش آیا تھا جہاں گھر میں آگ لگنے کے بعد چھت گر گئی جس کے نتیجے میں گھر میں موجود افراد ملبے تلے دب گئے۔ان میں سے خاتون اور چار بچے موقع پر ہی دم توڑ گئے جب کہ چار افراد زخمی ہوئے۔