انگلینڈ کے اہم بیٹر جوئے روٹ دوسرے ٹیسٹ کے تیسرے دن اپنی انگلی زخمی کروا بیٹھے جس کے باعث انھیں میدان سے باہر جانا پڑا۔
تفصیلات کے مطابق وشاکاپٹنم میں بھارت کے خلاف جاری دوسرے ٹیسٹ کے تیسرے دن انگلینڈ کے اسٹار بلے باز جو روٹ کو دائیں ہاتھی کی چھوٹی انگلی میں چوٹ لگ گئی۔ پہلے سیشن میں زخمی ہونے کے بعد انھیں میدان چھوڑنا پڑا۔
بھارتی کے خلاف چوتھی اننگز میں جوئے روٹ کے بیٹنگ نہ کرنے کی صورت میں انگلینڈ کی پریشانی میں اضافہ ہوسکتا ہے۔
انگلش اسپنر ٹام ہارٹلے ایک لینتھ گیند کو شبمن گل نے پوری طاقت کے ساتھ کھیلا، اسی دورا ن سلپ میں موجود روٹ نے کیچ کرنے کی کوشش کی لیکن گیند ان کے ہاتھ سے لگ کر باؤنڈری کی طرف چلی گئی۔
انگلش ٹیم مینجمنٹ ان کی فٹنس پر اپ ڈیٹ دیتے ہوئے کہا کہ جو روٹ نے پہلے سیشن میں سلپ میں کھڑے روٹ نے کیچ لینے کی کوشش جس کی وجہ سے ان کی دائیں چھوٹی انگلی پر چوٹ لگی۔
انگلینڈ کی میڈیکل ٹیم نے انھیں فی الحال گراؤنڈ سے دور رہنے کا مشورہ دیا ہے جبکہ ان کی انگلی کا برف کی سیکائی کے ذریعے علاج جاری ہے۔
ٹیم مینجمنٹ کا ان کی فیلڈ میں واپسی کے حوالے سے مزید کہنا تھا کہ اس مرحلے پر کچھ نہیں کہا جاسکتا کہ وہ کب میدان میں واپس آئیں گے۔
واضح رہے کہ وشاکا پٹنم میں ہونے والے دوسرے ٹیسٹ کی چوتھی اننگز میں میزبان بھارت نے انگلینڈ کو جیت کے لیے 399 رنز کا ہدف دیا ہے۔
انگلش ٹیم نے تیسرے دن کے اختتام پر ایک وکٹ کے نقصان پر 67 رنز بنا لیے ہیں جبکہ ہدف حاصل کرنے کے لیے اسے مزید 322 رنز کی ضرورت ہے۔