اسلام آباد: روسی صدر کے نمائندہ خصوصی برائے افغانستان ضمیر کابلوو پاکستان پہنچ گئے، اعلیٰ سول وعسکری قیادت سے ملاقاتیں ہوں گی۔
تفصیلات کے مطابق روسی صدر ولادی میرپیوٹن کے نمائندہ خصوصی برائے افغانستان دو روزہ سرکاری دورے پر پاکستان پہنچے ہیں جہاں وہ اعلیٰ سول وعسکری قیادت سے ملاقاتیں کریں گے۔
سفارتی ذرائع کا کہنا ہے کہ ضمیرکابلوو کا دورہ پاکستان روس کی خواہش پر ہورہا ہے، ضمیرکابلوو دورہ پاکستان میں افغان مفاہمتی عمل پربات کریں گے۔
دورے میں دو طرفہ تعلقات کی مضبوطی پر تبادلہ خیال کیا جائے گا، جبکہ حال ہی افغان طالبان اور امریکا کے درمیان معاہدے پر بھی گفتگو ہوگی۔
خیال رہے کہ گذشتہ سال جون میں روسی صدر کے نمائندہ خصوصی برائے افغانستان نے کہا تھا کہ ماسکو خاص طور پر تاجکستان اور ترکمانستان کے ساتھ واقع شمالی افغانستان میں داعش کی بڑھتی ہوئی آماجگاہوں پر فکر مند ہے۔
شنگھائی : عمران خان کی روسی وزیراعظم سے ملاقات، پاکستان میں سرمایہ کاری کی پیشکش
انہوں نے یہ بھی کہا تھا کہ شدت پسند تنظیم داعش کے لگ بھگ دس ہزار عسکریت پسند افغانستان میں موجود ہیں۔
ضمیرکابلوو کا افغانستان سے متعلق دورہ پاکستان اہم سمجھا جارہا ہے، خیال رہے کہ طالبان اور امریکا کو مذاکرات کی میز پر لانے میں پاکستان نے اہم کردار ادا کیا۔