پاکستانی اداکارہ صحیفہ جبار بھی ٹک ٹاک ٹرینڈ کا حصہ بن گئیں جس کی ویڈیو سوشل میڈیا پر وائرل ہوگئی۔
ماڈل اور اداکارہ صحیفہ جبار نے فوٹو اینڈ ویڈیو شیئرنگ ایپ انسٹاگرام پر دلکش ویڈیو جاری کی جس میں انہیں خوشگوار موڈ میں ٹک ٹاک کے وائرل ٹرینڈ پر ویڈیو بناتے دیکھا جاسکتا ہے۔
ویڈیو میں اداکارہ نے ٹک ٹاک کا وائرل چیلنج ’بینجمنز ڈیلی’ ڈانس اسٹیپس پر ایسی ویڈیو بنائی کہ مداحوں سمیت سوشل میڈیا صارفین تعریف کرنے پر مجبور ہوگئے۔
View this post on Instagram
فٹنس کی شوقین صحیفہ جبار خٹک نے اس چیلنج کو پورا کرنے کیلئے جم سوٹ کا انتخاب کیا اور ہر لمحے منفرد جملوں پر اداکارہ کا سامنے آنے والا نیا روپ مداحوں کے دلوں کو بھا گیا۔
اداکارہ صحیفہ جبار کی خودکشی کی کوشش؟
اداکارہ نے ایک اور ویڈیو شیئر کی جس کے کیپشن میں صحیفہ نے ٹرول کرنے والوں کو مخاطب کرتے ہوئے لکھا کہ،’یہ ان لوگوں کے لیے جو کمنٹس میں نازیبا باتیں کہتے ہیں میرے یا اور دوسرے فنکاروں کے لیے برا کہتے ہیں، شاید انہیں نہیں معلوم کہ یہ الفاظ خود انکی شخصیت ظاہر کر رہے ہوتےہیں’۔
اداکارہ کا کہنا تھا کہ ’ہوسکتا ہے کہ اس لمحے آپ پریشان ہوں، لیکن بدتمیزی کرنے کے بجائے، مہربان ہونے کی کوشش کریں ‘۔
واضح رہے کہ اداکارہ صحیفہ جبار متعدد بار اپنی دماغی حالت سے متعلق پوسٹ کرچکی ہیں جس پر کئی صارفین نے تشویش کا اظہار کیا تھا۔