پی سی بی نے نوجوان اوپنر بلے باز صاحبزادہ فرحان کو آسٹریلیا میں ہونے والی بنگلہ دیش اے خلاف چار روزہ میچز کی سیریز کے لیے کپتان مقرر کر دیا ہے۔
اے آر وائی نیوز کے پاکستان شاہینز جولائی اور اگست میں ڈارون آسٹریلیا میں بنگلہ دیش اے کے خلاف 2 چار روزہ میچز کی سیریز کھیلے گی جس کے لیے پی سی بی نے اوپنر بلے باز صاحبزادہ فرحان کو کپتان مقرر کر دیا ہے۔
صاحبزادہ فرحان پانچ ٹی ٹوئنٹی انٹرنیشنل میچز کھیل چکے ہیں۔
نومنتخب کپتان صاحبزادہ سیریز کے لیے آسٹریلیا روانہ ہونے سے قبل آج شام پریس کانفرنس کریں گے۔
مذکورہ سیریز کے لیے 15 رکنی اسکواڈ میں ایک تبدیلی کی گئی ہے اور فاسٹ بولر حنین شاہ انجری کے باعث سیریز سے باہر ہوگئے ہیں جب کہ ان کی جگہ قاسم اکرم اب اسکواڈ کا حصہ ہوں گے۔
پاکستان شاہینز کا اسکواڈ ان کھلاڑیوں پر مشتمل ہے۔
صاحبزادہ فرحان (کپتان)، حسیب اللہ، قاسم اکرم، محمد عرفان خان، محمد علی، کامران غلام، کاشف علی، خرم شہزاد، مہران ممتاز، محمد حریرہ، مبصر خان، عمیر بن یوسف، شاہنواز دھانی، طیب طاہر اور عمر امین شامل ہیں۔
دوسری جانب ٹیم کی آسٹریلیا روانگی کے شیڈول میں تبدیلی کی گئی ہے۔ پہلے پاکستان شاہینز نے اتوار کو روانہ ہونا تھا، تاہم اب ٹیم ہفتے کی صبح روانہ ہوگی جس کی وجہ سے نیشنل اسٹیڈیم کے حنیف محمد ریجنل ہائی پرفارمنس سینٹر پر کیمپ بھی آج ختم ہو جائے گا۔
بنگلہ دیش اے کے خلاف چار روزہ میچز کی سیریز میں قیادت کریں گے۔
پاکستان ریڈ بال ٹیم ہیڈ کوچ جیسن گلیسپی بھی ٹیم کے ہمراہ ڈارون جائیں گے۔ جیسن گلسپی دوسرے چار روزہ میچ کے بعد اگست کے پہلے ہفتے میں پاکستان واپس آجائیں گے اور بنگلہ دیش کے خلاف دو ٹیسٹ میچز کی ہوم سیریز میں ہیڈ کوچ کی ذمہ داری ادا کریں گے۔
واضح رہے کہ پاکستان کی سینیئر ٹیم نے بھی آئندہ ماہ بنگلہ دیش کے خلاف دو ٹیسٹ میچوں پر مشتمل سیریز کی میزبانی کرنی ہے۔
پی سی بی نے اس سیریز کے لیے شان مسعود کو کپتان برقرار رکھا ہے جب کہ اسکواڈ کا اعلان رواں کے اختتام تک کیا جائے گا۔