بالی ووڈ کے بھائی جان سلمان خان 58 برس کے ہو گئے، انہوں نے اپنی بہن ارپتا خان شرما کی بیٹی آیات کے ساتھ اپنی سالگرہ منائی جس کی ویڈیو بھی شیئر کی گئی ہے۔
سپر اسٹار سلمان خان کا نام ان اداکاروں میں شمار کیا جاتا ہے جنہوں نے تقریباً ڈھائی دہائیوں سے اپنی بااثر اداکاری سے ناظرین کے دلوں میں ایک خاص مقام بنایا ہے۔
View this post on Instagram
ہر سال کی طرح اس بھی بالی ووڈ کے بھائی جان کے گھر کے باہر شائقین ان کی ایک جھلک دیکھنے کے لیے جمع ہوئے، سلمان خان نے اپنی رہائش گاہ گلیکسی کے باہر اپنے مداحوں سے ملاقات کی۔
اس کے علاوہ فوٹو اینڈ شیئرنگ ایپ انسٹاگرام پر کاٹ کاٹنے کی ویڈیو بھی سامنے آئی ہے جس میں انہیں اپنی فیملی کے ہمراہ کیک کاٹتے ہوئے دیکھا جاسکتا ہے۔
View this post on Instagram
سلمان خان نے اپنے کیریئر کا آغاز 1988 میں ریلیز فلم ’بیوی ہو تو ایسی‘ سے کیا، سال 1989 میں سلمان خان کو راج شری پروڈکشن کے بینر تلے بنی فلم ’میں نے پیار کیا‘ میں کام کرنے کا موقع ملا جسے ناظرین نے بے حد پسند کیا۔
تاہم حال ہی میں سلمان خان اور کترینہ کیف کی فلم ٹائیگر 3 ریلیز ہوئی ہے جس نے بالی وڈ باکس آفس پر شاندار بزنس کیا ہے۔