بالی وڈ کے معروف اداکار سلمان خان نے اداکارہ اور سابقہ گرل فرینڈ کترینہ کیف کے ساتھ پرتشدد ہونے کا اعتراف کرلیا۔
سپر اسٹار سلمان خان بالی وڈ کی دنیا کی خوبرو اور مشہور اداکاراؤں میں سے کچھ کے ساتھ رومانوی تعلقات میں ہونے کے باوجود اداکار نے ابھی تک شادی نہیں کی ہے۔
اداکار سلمان خان بالی وڈ کی سنگیتا بجلانی، سومی علی، ایشوریہ رائے اور کترینہ کیف کو لے کر میڈیا پر سرخیوں کی زینت رہیں ہے۔
تاہم اب بھارتی میڈیا سائٹس پر سلمان خان کی ایک پرانی ویڈیو وائرل ہے جس میں سلمان خان اپنی سابقہ گرل فرینڈ اداکارہ کترینہ کیف کے ساتھ بیٹھ کر ان پر شوٹنگ کے دوران ہاتھ اٹھانے کا اعتراف کر رہے ہیں۔
View this post on Instagram
اس پرانے انٹرویو میں سلمان خان کترینہ کیف کے ساتھ اپنے جھگڑوں سے متعلق بہت آرام اداکارہ کو مارنے سے متعلق میزبان کو بتا رہے ہیں۔
سلمان خان کو اس ویڈیو میں یہ کہتے سنا جاسکتا ہے کہ’ میں اس انڈسٹری میں کافی عرصے سے ہوں اور کترینہ کیف یہاں نئی ہیں، جب وہ اپنا آئیڈیا پیش کرتی ہیں یا اوور اسمارٹ بننے کی کوشش کرتی تھیں تو اُنہیں ایک آدھ پڑ (ایک آدھ تھپڑ) جاتی تھی۔
اس وائرل ویڈیو میں سلمان خان کے چہرے پر دور دور تک کوئی ندامت یا شرمندگی نہیں ہے جبکہ کترینہ کیف کے چہرے کے تاثرات بہت کچھ کہہ رہے ہیں۔
واضح رہے کہ سلمان خان ماضی میں اپنی گرل فرینڈز پر تشدد کرنے سے متعلق مشہور رہے ہیں، کترینہ کیف سے قبل اُن پر ایشوریہ رائے پر بھی ہاتھ اٹھانے سے متعلق الزامات لگتے رہے ہیں۔
سلمان خان کا یہ انٹرویو سوشل میڈیا پر خوب وائرل ہو رہا ہے جس پر انہیں تنقید کا نشانہ بنایا جا رہا ہے۔