پاکستان شوبز انڈسٹری کی خوبرو اداکارہ صنم سعید نے ماؤں کے عالمی دن کے موقعے پر ایک خوشی کی خبر شیئر کی ہے۔
صنم سعید کا شمار پاکستان کی پسندیدہ ترین اداکاراؤں میں کیا جاتا ہے، اپنے کیریئر کے حوالے سے وہ ہمیشہ معیار کو مقدار پر ترجیح دیتی آئی ہیں، اداکارہ نے ساتھی اداکار محب مرزا سے شادی کی ہے تاہم اب انہوں نے مداحوں سے ایک خوشخبری شیئر کی ہے۔
فوٹو اینڈ شیئرنگ ایپ انسٹاگرام پر اداکارہ نے مدر ڈے کے موقعے پر یادگار تصاویر شیئر کرتے ہوئے بتایا کہ وہ جلد ماں بننے والی ہیں۔
View this post on Instagram
صنم سعید نے پوسٹ میں لکھا کہ میں بھی جلد ہی ایسی بننے والی ہوں، ساتھ ہی انہوں نے خواہش کا اظہار کرتے ہوئے اپنے لیے دعا کی کہ وہ اپنی والدہ کی طرح خوبصورت، سخت اور بچوں کے لیے ہر قربانی دینے والی ماں بنیں گی۔
اداکارہ نے لکھا کہ میں اپنی والدہ کی طرح تحمل مزاج، سخت، محبت دینے والی، متاثر کن، پراعتماد، بہادر، ذہین، قابل اعتماد، معاون و مددگار، ایماندار، کمزور، معاف کرنے والی، ہمدرد، محافظ اور ان کی طرح رول ماڈل بننا چاہتی ہوں۔
پاکستان شوبز انڈسٹری کی خوبرو اداکارہ صنم سعید نے ساتھ ہی دنیا کی تمام ماؤں کو مدرز ڈے کی مبارک باد بھی پیش کی۔