شوبز انڈسٹری کی معروف اداکارہ صنم سعید نے سینئر اداکارہ پروین اکبر کی جانب سے حالیہ تبصرے پر مبہم انداز میں طنزیہ ردعمل دیا ہے۔
نجی ٹی وی کے پروگرام میں پروین اکبر نے اداکاروں کو مشورہ دینے کو کہا گیا جب صنم سعید کی بات آئی تو اداکارہ نے کی ان کی تعریف کی لیکن ساتھ ہی کہہ دیا کہ یہ مجھے لڑکی کم لڑکا زیادہ لگتی ہے گویا ایک ٹام بوائے کی طرح ہے۔
پروین اکبر کا یہ بیان سوشل میڈیا پر خوب وائرل ہورہا اور لوگوں کے درمیان موضوع بحث بن گیا۔
جواب میں صنم سعید نے اپنی انسٹاگرام اسٹوری پر ایک نیا اصطلاحی لفظ ’’آنٹی پرینیور‘‘ شیئر کیا، جو دراصل ’’آنٹی‘‘ اور ’’انٹرپرینیور‘‘ کو ملا کر بنایا گیا ہے۔
اس کا مطلب انہوں نے یوں بیان کیا: ’’ایسی بڑی عمر کی خاتون جو کسی دوسری عورت کی ذاتی زندگی یا کام میں بلا وجہ مداخلت کرے۔‘‘ اسٹوری کے ساتھ ایک خاتون کی تصویر بھی پوسٹ کی گئی۔
سوشل میڈیا صارفین نے فوراً اندازہ لگا لیا کہ یہ طنز کس کی طرف ہے۔
یہ پڑھیں: پروین اکبر کا بیٹی رابعہ کلثوم کو منفی کردار نہ کرنے کا مشورہ
صارفین نے لکھا کہ ’’یہ تو سیدھا آنٹی کو جواب دیا ہے‘‘، تو کسی نے کہا، ’’پروین اکبر کو فضول رائے نہیں دینی چاہیے تھی، صنم بہت گریس فل ہیں‘‘
ایک اور صارف نے تبصرہ کیا، ’’آنٹی اس اسٹوری سے جل جائیں گی۔‘