(19 جولائی 2025): نامور اداکارہ کے فارم ہاؤس پر چوری کی واردات کے دوران چور قیمتی گھریلو اشیا لے گئے جبکہ توڑ پھوڑ بھی کی۔
انڈین میڈیا کے مطابق بھارتی اداکارہ و ماڈل سنگیتا بجلانی کو اپنے فارم ہاؤس پر چوری کی واردات کا علم اُس وقت ہوا جب انہوں نے کئی مہینوں بعد مقام کا دورہ کیا۔
سنگیتا بجلانی جب اپنی دو گھریلو ملازمہ کے ساتھ فارم ہاؤس پہنچیں تو مین گیٹ ٹوٹا ہوا تھا جبکہ کھڑکیوں کی گرلیں زبردستی نکالنے جانے کے شواہد ملے۔
اداکارہ و ماڈل کے فارم ہاؤس سے ٹیلی ویژن غائب تھا جبکہ دیگر املاک کو کافی نقصان پہنچایا گیا۔ چوروں نے گھریلو سامان بشمول بستر، ریفریجریٹر اور سی سی ٹی وی کیمروں کو چوری کرنے کی کوشش میں نقصان پہنچایا۔
سنجیتا بجلانی نے پونے پولیس کو شکایت میں بتایا کہ میں والد کی خراب صحت کے باعث کئی مہینوں تک فارم ہاؤس نہیں آئی تھی، جمعے کو جب وہاں پہنچی تو ہر چیز تباہ تھی۔
پولیس نے معاملے کی تحقیقات کا آغاز کرتے ہوئے سی سی ٹی وی کیمروں کی فوٹیج کا تجزیہ لینا شروع کر دیا۔