سابق بھارتی ٹینس اسٹار اور شعیب ملک کی سابق اہلیہ ثانیہ مرزا محبت کی تلاش میں ہیں؟
بھارتی میڈیا کی جانب سے کپل شرما کے شو میں ثانیہ مرزا کی شرکت کا ایک پرومو شیئر کیا گیا جس دوران میزبان نے انہیں یاد دلایا کہ آپ سے ایک مرتبہ شاہ رخ خان نے کہا تھا کہ اگر ثانیہ مرزا پر بائیو پک بنی میں اس فلم میں آپ کی محبت کا کردار نبھانا چاہوں گا۔
ثانیہ مرزا نے اس پر جواب دیتے ہوئے کہا کہ ’ابھی مجھے محبت ڈھونڈنی ہے۔‘
واضح رہے کہ اپریل 2010 میں ثانیہ مرزا اور شعیب ملک شادی کے بندھن میں بندھے تھے، دونوں کے ہاں شادی کے 8 سال بعد 30 اکتوبر 2018 کو بیٹے اذہان مرزا کی پیدائش ہوئی۔
رواں سال جنوری میں ثانیہ کے والد عمران مرزا نے تصدیق کی تھی کہ بیٹی نے شعیب ملک سے خلع لے لی ہے۔
شعیب ملک نے اداکارہ ثنا جاوید سے دوسری شادی کا اعلان رواں سال جنوری میں کیا تھا۔