کراچی : پاکستان کرکٹ ٹیم کے سابق کپتان سرفراز احمد کے کمسن بیٹے کی کوئٹہ گلیڈی ائٹرز کی جیت کا جشن منانے کی ویڈیو سوشل میڈیا پر وائرل ہوگئی۔
پاکستانی کرکٹ ٹیم کے سابق کپتان اور پاکستان سپر لیگ کی دفاعی چمپیئن کوئٹہ گلیڈی ائٹرز کے کپتان سرفراز احمد کے فرزند عبداللہ سرفراز کی ویڈیو ان دنوں سوشل میڈیا پر خوب وائرل ہوئی ہے۔
سوشل میڈیا پر وائرل ہونے والی ویڈیو میں دیکھا جاسکتا ہے کہ عبداللہ کوئٹہ گلیڈی ائٹرز کا کیپ پہنے ہوئے مایہ ناز بولر حسن علی کے انداز میں والد کی ٹیم کی جیت کا جشن منا رہے ہیں۔
عبداللہ سرفراز کی ویڈیو وائرل ہونے کے بعد حسن علی نے ٹوئٹر پر کہا کہ سابق کپتان کے بیٹے عبداللہ دل سے پشاور زلمی کے مداح ہیں لیکن والد کوئٹہ کے کپتان ہیں اسی لیے وہ گلیڈی ائٹرز کی کیپ پہنے گھوم رہے ہیں۔
حسن علی نے بھی اپنے ٹوئٹر اکاؤنٹ پر چھوٹے کرکٹر (عبداللہ سرفراز) کی مختصر سی ویڈیو شیئر کی۔
Mashallah how cute is @SarfarazA_54 bhai son Abdullah😍 he is wearing @TeamQuetta cap just because of his Papa otherwise we know he is a @PeshawarZalmi supporter dil say 😂 pic.twitter.com/ZIfacMeb06
— Hassan Ali 🇵🇰 (@RealHa55an) February 24, 2020