سعودی عرب میں وزارت تعلیم اور وزارت خارجہ نے تعلیمی ویزا پروگرام کا آغاز کردیا۔
عرب میڈیا کی رپورٹ کے مطابق ویزا پروگرام غیر ملکی طلبا اور اسکالرز کو راغب کرنے کے لیے ڈیزائن کیا گیا ہے، اس طرح اس کے تعلیمی اور تحقیقی شعبوں میں اضافہ ہو گا۔
اس پروگرام کا اعلان وزیر تعلیم یوسف البنیان نے ہیومن کیپیسٹی انیشی ایٹو کانفرنس کے دوران کیا، یہ ایک اہم تقریب جو جمعرات کو ریاض میں اختتام پذیر ہوئی۔
نیا ویزا فریم ورک سعودی یونیورسٹیوں میں داخلہ لینے کے خواہشمند بین الاقوامی طلبا کے لیے تیار کردہ "اسٹڈی اِن سعودی عربیہ” پلیٹ فارم کے ذریعے قابل رسائی ہے۔
یہ سروس درخواست کے عمل کو ہموار کرتی ہے، وزارت تعلیم، وزارت خارجہ، اور دیگر متعلقہ اداروں کے درمیان ہم آہنگی کو فروغ دیتی ہے، اس طرح ایک عالمی تعلیمی مرکز کے طور پر مملکت کی اپیل کو بڑھاتی ہے۔