سعودی ولی عہد شہزادہ محمد بن سلمان نے کھیلوں کے فروغ کے لیے قائم مھد سپورٹس اکیڈمی کے بورڈ آف ڈائریکٹرز کی تشکیل کی منظوری دے دی ہے۔
غیر ملکی میڈیا کے مطابق مھد اسپورٹس اکیڈمی جس کا قیام 15 جون 2021 کو عمل میں لایا گیا تھا جس کا مقصد کھیلوں کے فروغ اور اس شعبے میں نئے ٹیلنٹ کو تلاش کرکے عالمی سطح کے مقابلوں کے لیے تیار کرنا تھا اب سعودی ولی عہد نے اس حوالے سے اہم تقرریاں کر دی ہیں۔
رپورٹ کے مطابق شہزادہ محمد بن سلمان نے مھد اسپورٹس اکیڈمی کے بورڈ آف ڈائریکٹرز کی منظوری دے دی ہے جس میں وزارت خزانہ اور وزارت تعلیم کے نمائندے بھی شامل ہوں گے۔
بورڈ آف ڈائریکٹرز میں شہزادی ریما بنت بندر، عبدالعزیز احمد باعشن، ڈاکٹر مھا بنت احمد الجفالی، جوزیہ مورینیو، ایوان لوبیسکو تین سال کے لیے ممبر تعینات کیے گئے ہیں۔
سعودی وزیر اسپورٹس شہزادہ عبدالعزیز بن ترکی الفیصل نے جو مھد اسپورٹس اکیڈمی کے چیئرمین بھی ہیں بورڈ آف ڈائریکٹرز کی تشکیل کو اسپورٹس کے شعبے کی ترقی کے لیے اہم اقدام قرار دیا ہے اور سعودی ولی عہد کا شکری ادا کیا ہے۔
شہزادہ عبدالعزیز بن ترکی الفیصل نے کہا کہ بورڈ آف ڈائریکٹرز مختلف کھیلوں کے لیے باصلاحیت نوجوانوں کی دریافت کے ساتھ بین الاقوامی اور علاقائی ٹورنامنٹس میں سعودی عرب کی نمائندگی کے لیے کھلاڑیوں کی نئی نسل تیار کرنے کے لیے کوششیں کرے گا۔