سعودی وزیر مملکت برائےخارجہ دورہ پاکستان پر اسلام آباد پہنچ گئے۔
پاکستان پہنچنے پر سعودی وزیر مملکت برائے خارجہ عادل الجبیر کا پرُتپاک استقبال کیا گیا۔ معزز مہمان کی دفترخارجہ آمد ہوئی تو نائب وزیراعظم اسحاق ڈار نے سعودی وزیر مملکت کا استقبال کیا۔
پاکستان اور بھارت کے دورمیان بڑھتی کشیدگی کے دوران سعودی وزیر خارجہ کی اسلام آباد آمد انتہائی اہمیت کی حامل ہے۔
سعودی وزیرمملکت برائے خارجہ عادل الجبیر پاکستانی ہم منصب سے ملاقات کے علاوہ وزیراعظم شہباز شریف سے بھی ملاقات کریں گے.
پاک بھارت کشیدگی کم کرانے کیلئے عالمی برادری سرگرم ہے، اس سے قبل ایرانی وزیرخارجہ عباس عراقچی بھی سرکاری دورے پر پاکستان پہنچے تھے۔
اپنے دورے کے دوران ایرانی وزیرخارجہ نے صدر مملکت آصف علی زرداری، وزیر اعظم میاں محمد شہباز شریف، نائب وزیر اعظم و وزیرخارجہ اسحاق ڈاراور دیگر اعلیٰ قیادت سے ملاقاتیں کی تھیں۔