ریاض: سعودی شہزادی جواہر بنت مساعد بن سعود بن عبدالعزیز کی والدہ رضائے الٰہی سے انتقال کرگئیں۔
سعودی خبررساں ادارے ایس پی آر کے مطابق سعودی ایوان شاہی کی جانب سے جاری کردہ بیان میں کہا گیا ہے کہ شہزادی جواہر بنت مساعد بن سعود بن عبدالعزیز آل سعود کی والدہ کا انتقال گزشتہ روز ہوا۔
مرحومہ کی نماز جنازہ آج بروز منگل بعد نماز عصر امام ترکی بن عبداللہ مسجد ریاض میں ادا کی گئی۔
ریاض ریجن کے نائب گورنر شہزادہ محمد بن عبدالرحمان بن عبدالعزیز نے شہزادی جواہر بنت مساعد بن سعود بن عبدالعزیز آل سعودکی والدہ کی نماز جنازہ پڑھائی۔ نماز جنازہ میں سعودی شاہی خاندان کے افراد، سعودی حکام اور شہری شریک ہوئے۔
ایوان شاہی نے سعودی شہزادی کی والدہ کے لیے دعائے مغفرت اور درجات کی بلندی کی دعا کی ہے۔