اسرائیل سے تعلق رکھنے والے یہودی صحافی گل تمرے کو مکہ مکرمہ کی حدود میں داخل کروانے والے سعودی ڈرائیور کو پولیس نے گرفتار کرلیا ہے۔
غیر ملکی میڈیا کے مطابق مکہ پولیس کے ترجمان کا کہنا ہے کہ غیر مسلم شخص کو مکہ لے جانے پر سعودی ڈرائیور کو گرفتار کر کے قانونی کارروائی شروع کر دی ہے۔
حکام کے مطابق مملکت آنے والے سیاحوں کو مقدس مقامات کا احترام کرنا ہوگا۔ ڈرائیور کا کیس سعودی پراسیکیوشن کے حوالے کر دیا گیا ہے جو اس مقدمے کی پیروی کریں گے۔
گزشتہ ہفتے امریکا کے صدر جوبائیڈن کے سعودی دورے کی کوریج کے لیے آنے والے اسرائیلی صحافی گل تمعے نے مکہ میں مقدس مقامات کی سیر کر کے ڈاکیومینٹری بنائی تھی۔
Makkah Police:
“Arresting and referring a citizen to the Public Prosecution for facilitating and transporting a Non Muslim with American Nationality for entering and violating the Sanctity of the Makkah Al Mukkaramah Haram Limits” pic.twitter.com/gXQTS3RExx
— Inside the Haramain (@insharifain) July 22, 2022