اسلام آباد : سپریم کورٹ نے عدالت کے اندر میڈیا کوریج کے لیے سخت ہدایات جاری کرتے ہوئے صحافیوں کو عدالت کے احاطے میں ویڈیو ریکارڈنگ سے روک دیا ۔
تفصیلات کے مطابق سپریم کورٹ میں داخلے کے لیے صحافیوں کو نیا ہدایت نامہ جاری کردیا ، جس میں کہا ہے کہ صحافی صرف میڈیا ہاؤسز کے کارڈ دکھا کرانٹری گیٹ سے داخل ہوسکتے ہیں۔
ہدایت نامے میں کہا گیا ہے کہ سپریم کورٹ بلڈنگ میں ویڈیو بنانے یا یوٹیوب پروگرام ریکارڈ کرنا منع ہے، اہم کیس کی سماعت پر کورٹ روم میں ہر چینل کے صرف ایک رپورٹرکی اجازت ہوگی، باقی رپورٹرز کے لیے کسی اور کورٹ روم میں آڈیو لنک فراہم کیا جائےگا۔
صدر پریس ایسوسی ایشن سپریم کورٹ طیب بلوچ نے میڈیا کارڈ پر داخلے کیلئے رجسٹرارکو خط لکھا تھا۔