الیکشن 2024 پاکستان : تعلیمی اداروں میں کتنی چھٹیاں ہوں گی، طلبا کے لیے بڑی خبر

ملک بھر میں الیکشن کے موقع پر تعلیمی اداروں میں 8 چھٹیاں کا امکان ظاہر کیا جارہا ہے، 4 فروری بروز اتوار سے بند ہونے والے اسکول 12 فروری کو کھلیں گے۔

تفصیلات کے مطابق پاکستان میں 8 فروری کو الیکشن کا انعقاد ہونے جارہا ہے ، جس کی تیاریاں عروج پر ہے۔

عام انتخابات کے پیش نظر تعلیمی اداروں میں 8 چھٹیاں کا امکان ظاہر کیا جارہا ہے۔

ذرائع نے دعویٰ کیا ہے کہ ملک بھر میں الیکشن کے لیے 8 فروری 2024 جمعرات کو پولنگ ہوگی اور اس موقع پر تعلیمی ادارے 8 دن کے لیے بند ہوں گے۔

ذرائع کے مطابق 4 فروری کو اتوار اور 5 فروری کو کشمیر ڈے کے باعث اسکول بند ہوں گے جب کہ 6 سے 10 فروری تک عام انتخابات کی چھٹیاں ہوں گی۔

اس کے بعد 11 فروری کو اتوار پڑرہا ہے، جس کے بعد 12فروری کو اسکول کالجز اور یونیورسٹیز کھلیں گی۔