راولپنڈی: سیکیورٹی فورسز کے خیبرپختونخوا کے دو مختلف آپریشنز میں 2 دہشت گرد ہلاک ہوگئے۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز کی جانب سے پہلا آپریشن ضلع خیبر میں کیا گیا جس میں شدید فائرنگ کے تبادلے میں شمروز عرف شانے مارا گیا۔
ڈی آئی خان میں آپریشن کے دوران دہشت گرد منصور ہلاک ہوگیا، ہلاک دہشت گردوں سے ہتھیار، گولیاں، دھماکا خیز مواد برآمد کرلیا گیا ہے۔
ترجمان پاک فوج کے مطابق ہلاک دہشت گرد سیکیورٹی فورسز پر حملوں، بے گناہ شہریوں کے قتل میں ملوث تھے۔
آئی ایس پی آر کا بتانا ہے کہ دہشت گردوں کی مبینہ موجودگی پر علاقے میں کلیئرنس آپریشن جاری ہے۔