روالپنڈی : آئی ایس پی آر کا کہنا ہے کہ پنجاب کے مختلف شہروں میں کارروائیوں کے دوران دہشت گردوں کے 42 مبینہ سہولت کاروں کو گرفتارکرلیا گیا۔
تفصیلات کے مطابق آئی ایس پی آر کا کہنا ہے کہ ’پنجاب رینجرز نےسی ٹی ڈی اور پولیس کےساتھ مل کر دہشت گردوں اور ان کے سہولت کاروں کے خلاف مشترکہ کارروائیوں کے دوران 42افراد کوگرفتار کرلیا‘۔
آئی ایس پی آر کا کہنا ہے کہ گرفتار کیے گئےافراد مبینہ طور پر دہشت گردوں کو لاہور اور اسلام آباد کے مضافاتی علاقوں میں پناہ دے رہے تھے۔
آپریشن خیبر 4، وادی رجگال کا مزید 110 کلومیٹر علاقہ کلیئر
یاد رہےکہ گزشتہ روز آئی ایس پی آر کی جانب سے جاری بیان میں کہا گیا تھا کہ آپریشن خیبر 4 کامیابی سے جاری ہے سیکیورٹی فورسز نے وادیِ رجگال میں آپریشن کرتے ہوئے مزید 110 کلومیٹر کا علاقہ دہشت گردوں کے قبضے سے آزاد کرالیا۔
پنجاب میں دہشت گردوں کےخلاف آپریشن‘21افراد گرفتار
واضح رہےکہ دو روز قبل صوبہ پنجاب کےدارالحکومت لاہورمیں پولیس اورخفیہ اداروں نے آپریشن کے دوران 21افراد کو گرفتار کرلیا تھا۔