ARYNews.tv | Urdu – Har Lamha Bakhabar

سہواگ نے بی سی سی آئی سے بڑی فرمائش کر دی

Written by

ریحان خان

in

,

بھارت کے سابق کرکٹر وریندر سہواگ نے وزیراعظم مودی کے انڈیا کو بھارت کا نام دینے کے فیصلے سے تقویت پاتے ہوئے بی سی سی آئی سے فرمائش کر دی ہے۔

وریندر سہواگ نے سماجی رابطوں کی ویب سائٹ ایکس پر بھارتی کرکٹ بورڈ (بی سی سی آئی) اور سیکریٹری بورڈ جے شاہ سے درخواست نما فرمائش کی ہے کہ اس بات کو یقینی بنایا جائے کہ اس ورلڈ کپ میں ہمارے کھلاڑیوں کے سینے پر بھارت کا نام جگمگائے۔

سہواگ نے اپنی ٹویٹ میں مزید لکھا کہ میں ہمیشہ اس بات کا خواہاں رہا ہوں کہ ہمارا ایک ایسا نام ہونا چاہیے جو ہمارے اندر فخر پیدا کرے۔ ہم بھارتیہ ہیں جب کہ انڈیا ہمیں انگریزوں کا دیا نام ہے۔ ہمارے اصل نام ’’بھارت‘‘ کو سرکاری طور پر واپس لانا ابھی باقی ہے۔

 

واضح رہے کہ اس سے قبل سابق بھارتی اوپنر نے 2 ستمبر کو پاک بھارت میچ بارش کے باعث بے نتیجہ ختم ہونے پر طنزیہ ٹویٹ کیا تھا جس میں لکھا تھا کہ بارش کے وقت چائے پکوڑے رکھے ہیں ایشیا کپ بھی رکھ دیا۔

 

اس ٹویٹ میں سہواگ نے ہیش ٹیگ ’انڈیا بمقابلہ پاکستان’ کے بجائے ’بھارت بمقابلہ پاکستان’ استعمال کیا تھا جو سب کی توجہ کا مرکز بن گیا تھا اور جب گزشتہ روز بھارتی وزیراعظم نریندر مودی نے باضابطہ انڈیا کا نام تبدیل کرکے بھارت رکھنے کے حوالے سے اہم اعلان کیا تو سوشل میڈیا پر یہ تبصرے آنا شروع ہو گئے کیا ملک کا نام تبدیل ہونے کا سہواگ کو پہلے سے پتہ تھا۔

 

جانی براوو نامی ایکس صارف نے وریندر کی پوسٹ کو ری شیئر کرتے ہوئے لکھا کہ ’انڈیا کا نام بھارت ہونے سے متعلق سب سے پہلے سہواگ کو معلوم تھا۔

More posts