سابق بھارتی اوپنر وریندر سہواگ بھی پاکستانیوں کی مہمان نوازی کے معترف نکلے۔
اے آر وائی نیوز کے مطابق سابق بھارتی کرکٹر وریندر سہواگ نے کہا کہ پاکستان میں سب یہی کہتے ہیں کہ آپ ہمارے مہمان ہیں ہم آپ سے پیسے کیسے لے سکتے ہیں، ہم سے کسی دکاندار نے شاپنگ کے پیسے نہیں لیے۔
انہوں نے کہا کہ 2004 میں پاکستان میں جہاں گئے بے حد پیار ملا، لاہور سے فیملی کے لیے 35 سوٹ خریدے جب ادائیگی کرنے لگا تو دکاندار نے پیسے لینے سے صاف انکار کردیا۔
"No one ever took any money from us in Pakistan, I bought 30-35 sarees for my family from Lahore, and they didn't take a penny," Virender Sehwag.
'Aap toh mehmaan ho, aapse paise kese le sakte hain hum?' ❤️
Video courtesy: Oaktree Sports & @gauravkapur / @virendersehwag pic.twitter.com/mud4PUUkDY
— Farid Khan (@_FaridKhan) June 5, 2023
وریندر سہواگ کا مزید کہنا تھا کہ پاکستان اور بھارت دو بھائی ہیں جو الگ الگ ہیں۔ لوگوں کی باتیں سن کر جذباتی ہوجاتے تھے اور آنکھوں میں آنسو آ جاتے تھے۔
واضح رہے کہ وریندر سہواگ کا شمار بھارت کے جارح مزاج بیٹر میں ہوتا تھا، انہوں نے 104 ٹیسٹ، 251 ون ڈے اور 19 ٹی 20 انٹرنیشنل میں بھارت کی نمائندگی کی اور بالترتیب 8588، 8273، 394 رنز بنائے۔