اسلام آباد (20 جولائی 2025): پاکستان تحریک انصاف (پی ٹی آئی) کے کورنگ امیدواروں کے کاغذات واپس نہ لینے کی وجہ اے آر وائی نیوز سامنے لے آیا۔
ذرائع نے اے آر وائی نیوز کو بتایا کہ اپوزیشن جماعتوں اور ناراض گروپ نے پی ٹی آئی سے ٹیکنوکریٹ سیٹ لینے کی منصوبہ بندی کی، سیٹ پر آزاد امیدوار قاضی وقار کو اپوزیشن اور چند حکومتی ایم پی ایز کی حمایت حاصل ہے۔
یہ بھی پڑھیں: ’کل ہونے والا سینیٹ الیکشن ناممکن ہے‘
ذرائع نے بتایا کہ قاضی وقار کو پس پردہ پی ٹی آئی کے عہدیدار اور بانی پی ٹی آئی عمران خان کے قریبی ساتھیوں کی بھی حمایت حاصل ہے، مسلم لیگ (ن)، پاکستان پیپلز پارٹی اور عوامی نیشنل پارٹی نے پی ٹی آئی امیدوار اعظم سواتی کے مقابلے میں امیدوار کھڑا نہیں کیا، ارب پتی بزنس مین نے پی ٹی آئی اور (ن) لیگ کے ٹکٹ کی کوشش بھی کی تھی۔
قاضی وقار نے ہیڈ آف انویسٹی گیٹیو سیل نعیم اشرف بٹ کو بتایا کہ میں اور شاندانہ گلزار جیل میں بانی پی ٹی آئی عمران خان سے ملے تھے، مجھے اپوزیشن جماعتوں اور پی ٹی آئی ایم پی ایز کی سپورٹ حاصل ہے۔
آزاد امیدوار قاضی وقار نے بتایا کہ کل سب کو پتا چل جائے گا پی ٹی آئی ایم پی ایز کے پی حکومت سے ناراض ہیں، بڑا ڈونر ہوں شوکت خانم اسپتال کا آپریشن تھیٹر میری والدہ کے نام پر ہے۔