قلات: صوبہ بلوچستان کے ضلع قلات میں شدید زلزلے کے جھٹکے محسوس کیے گئے، خوف کے باعث شہری گھروں سے باہر نکل آئے۔
تفصیلات کے مطابق زلزلے کی شدت 3.8 ریکارڈ کی گئی، جس باعث شہری یکدم پریشان ہوگئے اور خوف کے مارے گھروں سے باہر نکل آئے۔
زلزلہ پیما مرکز کا کہنا ہے کہ زلزلے کی شدت3.8ریکارڈ کی گئی، زلزلے کا مرکز قلات سے 30کلو میٹر جنوب میں تھا۔
زلزلہ 19کلو میٹر گہرائی میں ریکارڈ کیا گیا۔
شانگلہ اور گردونواح میں زلزلے کے جھٹکے
خیال رہے کہ گذشتہ دنوں خیبر پختونخوا کے شانگلہ اور اس کے گردونواح میں زلزلے کے شدید جھٹکے محسوس کیے گئے تھے۔
واضح رہے کہ 17 دسمبر 2018 کو بلوچستان کے صوبائی دارالحکومت کوئٹہ اور اس کے گرد نواح میں زلزلے کے جھٹکے محسوس کیے گئے، زلزلہ پیما مرکز کے مطابق زلزلے کی شدت ریکٹر اسکیل پر 4.2 ریکارڈ کی گئی۔
ماہرین ارضیات کی جانب سے زلزلوں کی دو بنیادی وجوہات بیان کی جاتی ہیں، ایک وجہ زیر زمیں پلیٹوں (فالٹس) میں ٹوٹ پھوٹ کا عمل ہے اوردوسری آتش فشاں کا پھٹنا ہے۔