شوبز انڈسٹری کی سینئر اداکارہ شگفتہ اعجاز نے شوہر یحییٰ کی صحت یابی کے لیے مداحوں سے دعاؤں کی درخواست کردی۔
سینئر اداکارہ شگفتہ اعجاز نے اپنے یوٹیوب چینل پر کہا کہ ڈاکٹروں نے شوہر سے متعلق اچھی خبر نہیں دی، اسپتال سے گھر آنے کے بعد بھی شوہر کی طبیعت ناساز ہے۔
اداکارہ نے بتایا کہ وہ شوہر کی بیماری کی وجہ سے گزشتہ چھ ماہ سے اداکاری نہیں کررہی ہیں۔
انہوں نے اپنے یوٹیوب چینل پر شوہر اور بیٹیوں کے ہمراہ شادی کی سالگرہ منانے کی ویڈیو شیئر کی اور بتایا کہ ان کے شوہر کی طبیعت تاحال ناساز ہے۔
سینئر اداکارہ اسپتال میں زیرِ علاج شوہر کے کمرے سے وی لاگ شیئر کیا ہے جس میں انہیں اپنی شادی کی سالگرہ مناتے ہوئے دیکھا جا سکتا ہے۔
وی لاگ میں شگفتہ اعجاز اور ان کے شوہر یحییٰ کی شادی کی سالگرہ کے موقع پر ان کی بیٹی ایمان اسپتال میں کیک لائیں جو انہوں نے اپنے اہلخانہ اور دوستوں کے ساتھ مل کر کاٹا۔
واضح رہے کہ شگفتہ اعجاز کے شوہر یحییٰ صدیقی 5 برسوں سے کینسر میں مبتلا ہیں اور نجی اسپتال میں زیر علاج ہیں۔