اداکارہ شگفتہ اعجاز کے وزن کم کرنے کے بعد ایک جذباتی کیپشن کے ساتھ نئے روپ میں تصاویر شیئر کی ہے جسے دیکھ کر سب حیران رہ گئے۔
شگفتہ اعجاز پاکستانی ڈرامہ انڈسٹری کی خوبصورت، دلکش، باصلاحیت اور سینئر اداکارہ ہیں، حال ہی میں انہوں نے اپنے شوہر یحییٰ صدیقی کو کینسر کے مرض میں کھودیا ہے تاہم اب وہ ایک طویل جنگ کے بعد آہستہ آہستہ اپنے معمولات کی طرف لوٹ رہی ہے۔
تاہم اداکارہ شگفتہ اعجاز بھی حال ہی میں اپنے وزن میں ڈرامائی کمی کے ساتھ بہت مختلف نظر آرہی ہیں، شوہر کو کھونے کے بعد انہوں نے اپنا وزن کافی حد تک کم کیا ہے۔
View this post on Instagram
فوٹو اینڈ شیئرنگ ایپ انسٹاگرام پر اداکارہ نے نئی تصاویر شیئر کیں، جس میں وہ سرخ ساڑھی میں بےحد خوبصورت اور پُراعتماد نظر آرہی ہیں۔
تصاویر کے ساتھ انہوں نے ایک جذباتی پیغام بھی شیئر کیا کہ "اگر میرا ذہن کسی چیز کا تصور کر سکتا ہے اور دل اس پر یقین رکھتا ہے تو میں اسے حاصل بھی کر سکتی ہوں۔”
سوشل میڈیا پر جاری کردہ تصاویر میں اداکارہ کا وزن کم ہونے کے بعد کا نیا روپ مداحوں کی توجہ کا مرکز بن گیا، انٹرنیٹ پر کچھ لوگ تعریف کر رہے ہیں کہ شگفتہ اعجاز وزن میں کمی کے بعد کتنی خوبصورت نظر آتی ہیں۔