وزیراعظم کے بیان کے بعد کشیدگی کا کوئی جواز نہیں رہا ، وزیرخارجہ شاہ محمود

اسلام آباد: وزیرخارجہ شاہ محمود قریشی کا کہنا ہے کہ  وزیراعظم کے بیان کے بعد کشیدگی کا کوئی جواز نہیں رہا ، اقوام متحدہ نے خط کا مثبت جواب دیا ہے، سفارتی سطح پر سب سے رابطے کررہے ہیں یقین ہے دنیا کو قائل کرلیں گے۔

تفصیلات کے مطابق وزیرخارجہ شاہ محمود قریشی نے اپنے بیان میں کہا ہے کہ وزیراعظم نےنیشنل سیکیورٹی کونسل کااجلاس بلایاہے، ہم سفارتی سطح پرسب سے رابطے کررہےہیں،یقین ہے دنیا کو قائل کرلیں گے، وزیراعظم کے بیان کے بعد کشیدگی کا کوئی جواز نہیں رہا۔

[bs-quote quote=”بھارت سے آوازیں اٹھ رہی ہیں، جیسےجیسےوقت گزرےگا،حقیقت کھلتی جائے گی” style=”style-7″ align=”left” author_name=”شاہ محمود قریشی”][/bs-quote]

شاہ محمود قریشی کا کہنا تھا کہ بھارت سے آوازیں اٹھ رہی ہیں، لوگ خودان کی حکومت سےسوالات پوچھ رہےہیں، بھارت کےاندرسے بھی آوازیں اٹھناشروع ہوچکی ہیں جیسےجیسےوقت گزرےگا،حقیقت کھلتی جائے گی۔

وزیر خارجہ نے کہا اقوام متحدہ نے میرے خط کا مثبت جواب دیا ہے، امید ہےہم دنیاکوقائل کرنےمیں کامیاب ہوجائیں گے، پاکستان کہہ چکاہےثبوت ہیں توپیش کریں اور وزیراعظم نےوضح کردیاہےحملہ کیاتوسوچیں گےنہیں جواب دیں گے۔

گزشتہ روز وزیر خارجہ شاہ محمود قریشی نے میڈیا سے گفتگو کرتے ہوئے کہا تھا کہ بھارتی حکومت کشیدگی کو ہوا دے رہی ہے بھارت کے پاس قابل عمل شواہدہیں تو ہمیں بتائے،ہم مثبت جواب دیں گے لیکن دھمکیوں سےمرعوب نہیں ہوں گے۔

مزید پڑھیں : بھارت کی دھمکیوں سےمرعوب نہیں ہوں گے، وزیر خارجہ شاہ محمود قریشی

شاہ محمود قریشی کا کہنا تھا کہ وزیراعظم نے کہاہم اپنی زمین دہشت گردی کےلیےاستعمال نہیں ہونےدیں گے، ہم نےدہشت گردی کے خلاف جنگ میں 70 ہزار افراد کی قربانیاں دیں، ہماری معیشت کودہشت گردی سے بڑا نقصان پہنچا، کم کبھی بھی دہشت گردی حمایت نہیں کریں گے۔

اس سے قبل پلوامہ واقعے کے بعدبھارتی عزائم سے متعلق وزیر خارجہ شاہ محمود قریشی نے اقوام متحدہ کے سیکریٹری جنرل کو خط لکھا تھا، جس میں بتایا گیا تھا بھارت پلوامہ حملے کا الزام پاکستان پر لگا رہا ہے، بغیرتحقیقات کئے حملے کا تعلق پاکستان سے جوڑنا مضحکہ خیز ہے، بھارت اپنی سیاست کیلئے جان بوجھ کر پاکستان مخالف بیان بازی کرکے فضا کشیدہ کررہا ہے۔

وزیر خارجہ نے کہا تھا عالمی برادری بھارت سے پلوامہ حملے کی غیر جانبدارانہ تحقیقات کا مطالبہ کرے تاکہ حقائق سامنے آسکیں اور خبردار کیا کہ بھارت کی جانب سے سندھ طاس معاہدہ ختم کرنا سنگین غلطی ہوگی۔