ARYNews.tv | Urdu – Har Lamha Bakhabar

‘ ممنوعہ فنڈنگ کیس ن لیگ اور پیپلز پارٹی کے خلاف بھی ہے ‘

Written by

ویب ڈیسک

in

پاکستان تحریک انصاف کے رہنما شہباز گل نے کہا ہے کہ ممنوعہ فنڈنگ کیس مسلم لیگ ن اور پیپلز پارٹی کے خلاف بھی ہے۔

پاکستان تحریک انصاف کے مرکزی رہنما اور سابق مشیر شہباز گل نے سماجی رابطوں کی ویب سائٹ ٹوئٹر پر اپنے ٹوئٹ میں ممنوعہ فنڈنگ کیس کے حوالے سے اظہار خیال کیا ہے۔

شہباز گل نے اپنے ٹوئٹ میں کہا ہے کہ امپورٹڈ وزیراعظم ممنوعہ فنڈنگ کیس کا فیصلہ سننے کیلیے بڑے بے چین ہیں لیکن ممنوعہ فنڈنگ کیس ن لیگ اور پیپلز پارٹی کے خلاف بھی ہے۔

پی ٹی آئی رہنما نے مزید لکھا ہے کہ آپ کی بے چینی ختم ہوگی کیونکہ ن لیگ نے اسکروٹنی کمیٹی کو اکاؤنٹس کا ریکارڈ جمع کرانا ہے۔ دیر کس بات کی ہے کیا یہاں بھی قطری خط دینا ہے؟

 

شہباز گل نے اپنے ایک اور ٹوئٹ میں مزید لکھا کہ لفافوں کی اپنی ہی دنیا ہے، ہزاروں ووٹرز کو مردہ کرنا، انکے ووٹ شفٹ کرنا، انتخابی عملے کا ووٹ ڈالتے پکڑے جانا، ریاستی مشینری اور وسائل ترقیاتی کاموں سے پری پول رگنگ، ووٹروں امیدواروں کے ساتھ پولیس گردی، 5 مخصوص نشستوں کا نوٹیفکیشن روکنا، ووٹ ڈالنے والوں کو شیر پرٹھپے لگانے کا کہنا۔

پی ٹی آئی رہنما نے مزید لکھا ہے کہ پھر لفافے کہتے ہیں اتنےمومن الیکشن کمیشن کے خلاف بات کرنا گناہ کبیرہ ہے۔ سب کچھ شفاف ہے تو ایک دفعہ چھوڑ دس بار گنتی کر لیں۔

ان کا کہنا تھا کہ یہ 22 تاریخ تک ن لیگ کو کمک پہنچانے کی کوشش ہے، فیصل نیازی کا استعفیٰ بھی روکا ہے، دلوں کے حال جاننے کے دعوے داروں نے۔

More posts