دبئی: ٹی ٹوئنٹی کے سابق کپتان شاہد خان آفریدی نے دبئی کی جیلوں میں قید پاکستانی شہریوں کی واپسی کے لیے اپنی فاؤنڈیشن کی خدمات پیش کرتے ہوئے اعلیٰ سطح پر کوشش شروع کردی۔
سماجی رابطے کی ویب سائٹ ٹوئٹر پر شاہد خان آفریدی نے دبئی دورے اور وہاں ہونے والی ملاقاتوں کا احوال شیئر کیا جن میں آفریدی نے بتایا کہ ان کی شاہد آفریدی فاؤنڈیشن دبئی کی جیلوں میں قید تیس (30) پاکستانیوں کی رہائی کے لیے کوشاں ہے۔
ٹی ٹوئنٹی کے سابق کپتان نے اپنی فاؤنڈیشن کی جانب سے دبئی میں اعلیٰ سطح کے افسران سے ملاقاتیں کیں اور جیلوں میں قید پاکستانیوں کی رہائی کے لیے اپیل بھی کی۔ علاوہ ازیں شاہد آفریدی نے دبئی کے پولیس چیف سے ملاقات کر کے اپنی فاؤنڈیشن کی جانب سے ایک یادداشت بھی پیش کی۔
Distinctive achievement for @SAFoundationN as they initiate the repatriation of Pakistanis from Dubai, bringing joy to their families1/2 pic.twitter.com/RHiy7SkVlX
— Shahid Afridi (@SAfridiOfficial) January 24, 2017
شاہد آفریدی کا کہنا ہے کہ اُن کی فاؤنڈیشن دبئی کی جیلوں میں قید پاکستانیوں کی رہائی کے لیے جرمانہ ادا کرنے کو تیار ہے تاکہ وہ وطن واپس آکر اپنے پیاروں کے ساتھ ہنسی خوشی زندگی گزار سکیں۔
I thank H.E LT. Gen Dhahi Khalfan Tamim Deputy CH police & security in Dubai & Dr Brg MohdAlmur Head of human rights in dxb@DubaiPoliceHQ, pic.twitter.com/VHwWYpNQWj
— Shahid Afridi (@SAfridiOfficial) January 24, 2017
خیال رہے کرکٹ کی دنیا کو خیر آباد کہنے کے بعد شاہد آفریدی اپنی فاؤنڈیشن کو مکمل وقت دے رہے ہیں، اُن کی فاؤنڈیشن مختلف سماجی کاموں میں مصروف عمل بھی ہے۔