قومی ٹیم کے سابق کپتان شاہد آفریدی نے افتخار احمد سے میکسویل جیسی جارحانہ اننگز کھیلنے کی توقعات وابستہ کرلیں۔
ورلڈ کپ میں گزشتہ روز نیدرلینڈز کے خلاف آسٹریلیا کے گلین میکسویل نے 40 گیندوں پر ورلڈ کپ کی تیز ترین سنچری اسکور کی ان کی اننگز میں 8 چھکے اور 9 چوکے شامل تھے۔
گلین میکسویل کو شاندار سنچری اسکور کرنے پر میچ کا بہترین کھلاڑی بھی قرار دیا گیا۔
سابق کپتان شاہد آفریدی نے میکسویل کی اننگز کی تعریف کی اور کہا کہ ’میکسویل نے ورلڈ کپ کی ٹاپ کلاس پاور ہٹنگ دکھائی، آسٹریلیا اس جیت کی حقدار ہے۔‘
شاہد آفریدی نے اپنی ٹوئٹ میں مزید لکھا کہ امید کرتا ہوں کہ افتخار احمد قومی ٹیم کے لیے ایسا ہی کردار ادا کریں گے، افتخار یقینی طور پر ایسی اننگز کھیلنے کی صلاحیت رکھتے ہیں اور پچز کو پاور ہٹنگ کے لیے تیار کیا گیا ہے، ہم سب کو اب آپ کی ایسے ہی اننگز کی ضرورت ہے۔
What an innings by @GlenMaxwell today, its a showcase of top class power hitting, well deserved win for Australia!
I expect Iftikhar Ahmad to play a similar role for our team, he definitely has the capability to do so and the pitches are curated for power hitting, we all need…
— Shahid Afridi (@SAfridiOfficial) October 25, 2023
واضح رہے کہ ورلڈ کپ کے اپنے چھٹے میچ میں قومی ٹیم کل جنوبی افریقہ کے مدمقابل آئے گی۔