ورلڈ چیمپئن شپ آف لیجنڈز، پاک بھارت مقابلے سے قبل شاہد آفریدی کا بیان آگیا

ورلڈ چیمپئن شپ آف لیجنڈز میں پاک بھارت مقابلے سے قبل کپتان شاہد آفریدی کا اہم بیان آگیا۔

ورلڈ چیمپئن شپ آف لیجنڈز میں پاکستان کے کپتان شاہد آفریدی نے کہا کہ پاک بھارت میچ کی اہمیت ہر کھلاڑی کو معلوم ہے، بھارت کے خلاف کامیابی کے لیے پرامید ہیں۔

شاہد آفریدی نے کہا کہ تمام کھلاڑی انفرادی طور پر کارکردگی دکھا رہے ہیں۔

سعید اجمل نے کہا کہ کوشش ہوگی بھارت کے خلاف پریشر میں پرفارم کروں، ٹیم متحد ہے، کرکٹ بھی کھیل رہے ہیں اور انجوائے بھی کررہے ہیں۔

ورلڈ چیمپئن شپ آف لیجنڈز میں پاک، بھارت میچ پر دنیا بھر کے شائقین کی نگاہیں جمی ہوئی ہیں، میچ آج برمنگھم میں کھیلا جائے گا جس کے تمام 23 ہزار ٹکٹس فروخت ہوچکے ہیں۔

لیگ میں شریک پاکستانی ٹیم کپتان شاہد آفریدی، شرجیل خان، عمر اکمل، یونس خان، شعیب ملک، مصباح الحق، عبدالرزاق، وہاب ریاض، سہیل تنویر، سہیل خان، عبدالرحمان، عامر  یامین، توفیق عمر، شعیب مقصود، یاسر عرفات اور تنویر احمد پر مشتمل ہے۔

بھارتی ٹیم میں کپتان یووراج سنگھ، ہربھجن سنگھ، سریش رائنا، عرفان پٹھان، یوسف پٹھان، رابن اتھپا، امباتی رائیڈو، گرکیرت مان، راہول شرما، نامن اوجھا، راہول شکلا، آر پی سنگھ، ونئے کمار، دھاول کلکرنی، سوربھ تیواری، انوریت سنگھ اور پون نیگی شامل ہیں۔