عوام پاکستان پارٹی کے سربراہ شاہد خاقان عباسی کا کہنا ہے کہ ملک میں سیاسی انتشار اور عدم استحکام پیدا کرنے کی کوشش کی جارہی ہے۔
اے آر وائی نیوز کے مطابق سابق وزیراعظم شاہد خاقان ننے میڈیا سے گفتگو کرتے ہوئے کہا کہ سیاسی جماعتیں ایک ٹیبل پر بیٹھ کر ملک کے مسائل کا حل ڈھونڈیں، ایک تنظیم کھلم کھلا دہشت گردی کا اعلان کررہی ہے، سیاسی انتشار، عدم استحکام پیدا کرنے کی کوشش کی جارہی ہے۔
انہوں نے کہا کہ کرسیوں کی دوڑ لگی ہے، آج مینڈیٹ مشکوک ہے ان سب چیزوں کو ٹھیک کرنا ہے، آج ہر شخص ملک کے معاشی مسائل سے دوچار ہے، ملک میں ترقی اور کاروبار رک گیا ہے ، ہر آدمی پریشان ہے۔
شاہد خاقان کا کہنا ہے کہ سیاسی استحکام دینے سے مسائل حل ہوں گے، سیاسی استحکام نہیں ہوگا تو بلوچستان جیسے واقعات ہوتے ہیں، اپنے مفادات کو دور رکھ کر ملک کو استحکام دینے کی ضرورت ہے۔
عوام پاکستان پارٹی کے سربراہ نے کہا کہ کہیں ہم اس طرف نہ چلے جائیں جب ملک میں روز دھماکے ہوتے تھے، ملک میں واحد راستہ آئین کا ہے۔