بالی ووڈ کے بادشاہ شاہ رخ خان نے سوال و جواب کے سیشن کے دوران مداح کو کرارا جواب دے دیا۔
سماجی رابطے کی ویب سائٹ ٹوئٹر پر اداکار شاہ رخ خان نے ’آسک ایس آر کے‘ کے نام سے سوال و جواب کا سیشن رکھا اور مداحوں کی جانب سے پوچھے گئے مختلف سوالات کے جوابات دیے۔
ایک مداح نے پوچھا کہ ’یہ ہمیشہ آپ کے پاس بس 15 منٹ ہی کیوں ہوتے ہیں، بھابھی جی گھر کے کام آپ سے کرواتی ہیں کیا؟
شاہ رخ خان نے جواب دیتے ہوئے کہا کہ ’بیٹا اپنی کہانی ہمیں نہ سنا، جا گھر کی صاف صفائی کر۔‘
بالی ووڈ اسٹار کے ایک مداح نے اُن سے پوچھا کہ سر کیا آپ نے بچپن میں کنچے (ماربل) کھیلے ہیں؟
اس پر جواب میں شاہ رخ خان نے کہا کہ بہت کھیلا ہے، لٹو سے کھیلنا پسند تھا جبکہ گلی ڈنڈا تو میرا فیورٹ کھیل تھا۔
Bahut khela hai…use to love it and Lattoo also. Gulli Danda was my favourite. https://t.co/yLAXaaWaqx
— Shah Rukh Khan (@iamsrk) June 12, 2023
ایک مداح نے ان سے کہا کہ سر فلم جوان کے ولن سے متعلق کچھ کہیں؟
شاہ رخ خان نے کہا کہ ’وجے سیتھوپتی میرے پسندیدہ اداکاروں میں سے ایک ہیں اور جوان میں ان کا کردار بہت اچھا ہے۔
@VijaySethuOffl is awesome one of favourite actors and in Jawaan he is toooooo cool. https://t.co/F3PBk6G9TG
— Shah Rukh Khan (@iamsrk) June 12, 2023
واضح رہے کہ فلم ’پٹھان‘ کی کامیابی کے بعد شاہ رخ خان کی فلم ‘جوان‘ رواں سال 7 ستمبر کو بڑے پردے کی زینت بنے گی، فلم کی کاسٹ میں وجے سیتھوپتی، نینتھارا ودیگر شامل ہیں۔