معروف اداکار شمعون عباسی کار حادثے میں شدید زخمی ہوگئے، حادثہ اتنا خوفناک تھا کہ ان کا دانت بھی ٹوٹ گیا۔
سماجی رابطے کی سائٹ انسٹاگرام پر تصاویر کے ساتھ اسٹیٹس شیئرکرتے ہوئے شمعون عباسی نے اپنے ساتھ پیش آئے واقعے کے حوالے سے تفصیلات شیئر کیں۔
شیئر کئے گئے اسٹیٹس میں شمعون عباسی کا کہنا تھا کہ میری گاڑی کو خوفناک حادثہ پیش آیا ہے جس میں دانت ٹوٹ گئے ہیں جبکہ چوٹ لگنے کی وجہ سے خون بھی نکلا ہے۔
شمعون عباسی کا مزید کہنا تھا کہ خطرے کی بات نہیں ہے، انہوں نے اپنے مداحوں سے دعاؤں کی اپیل بھی کی۔
شمعون عباسی کی پوسٹ سامنے آنے کے بعد ان کے مداحوں کی جانب سے دعائیہ کمنٹس کا سلسلہ جاری ہے۔