پی ایس ایل 9 کے لیے کوئٹہ گلیڈی ایٹرز نے آسٹریلیا کے سابق اسپیڈ اسٹار شان ٹیٹ کو بولنگ کوچ مقرر کردیا۔
سماجی رابطے کی ویب سائٹ ایکس پر کوئٹہ گلیڈی ایٹرز نے سابق آسٹریلوی فاسٹ بولر شان ٹیٹ کو بولنگ کوچ مقرر کرنے کا اعلان کیا ہے۔
گلیڈی ایٹرز کی جانب سے شان ٹیٹ کی بولنگ کی ویڈیو بھی شیئر کی گئی ہے۔
واضح رہے کہ سابق آسٹریلوی فاسٹ بولر شان ٹیٹ اس سے قبل قومی ٹیم کے بولنگ کوچ بھی رہ چکے ہیں۔
ANNOUNCEMENT
SPEED ⚡️SPEED️ #PurpleForce get another Australian boost as Shaun Tait joins @TeamQuetta as bowling coach
Tait – one of the fastest bowlers to have ever played the game – will work with @MHasnainPak @iamamirofficial @Wasim_Jnr and co ☄️… pic.twitter.com/vvrt6vraGc
— Quetta Gladiators (@TeamQuetta) December 16, 2023
یاد رہے کہ گزشتہ دنوں کوئٹہ گلیڈی ایٹرز نے سابق آسٹریلوی آل راؤنڈر شین واٹسن کو ٹیم کا ہیڈ کوچ مقرر کیا تھا وہ اس سے قبل کوئٹہ گلیڈی ایٹرز کی نمائندگی بھی کرچکے ہیں۔
اس سے قبل کوئٹہ گلیڈی ایٹرز نے سابق کپتان معین خان کو ٹیم کا ڈائریکٹر مقرر کیا تھا۔
واضح رہے کہ کوئٹہ گلیڈی ایٹرز نے 2019 میں پی ایس ایل ٹائٹل جیتا تھا۔ اس ٹورنامنٹ میں شین واٹسن مین آف دی ٹورنامنٹ رہے اور اپنی ٹیم کی جیت میں کلیدی کردار ادا کیا تھا۔