سندھ ہائی کورٹ نے کے-الیکٹرک بلز میں میونسپل ٹیکس وصولی سے متعلق درخواست پر فیصلہ سنا دیا۔
جسٹس صلاح الدین پنہور کی سربراہی میں 2 رکنی بینچ نے فیصلہ سنایا جس کے مطابق ٹیکس وصولی معاہدے پر نظر ثانی کی یقین دہانی پر درخواستیں نمٹا دی گئیں۔
عدالت نے کہا کہ میئر کراچی مرتضیٰ وہاب کے مطابق میونسپل ٹیکس معاہدے کا ازسرنو جائزہ لیا جائے گا، یقین دہانی کروائی گئی کہ کے-الیکٹرک براہ راست میونسپل ٹیکس سے کٹوتی نہیں کرے گی۔
میئر کراچی مرتضیٰ وہاب نے کہا کہ ٹیکس وصولی کیلیے بلدیاتی کونسل ارکان پر مشتمل خصوصی کمیٹی بنائی جائے گی، ٹیکس ان شہریوں پر عائد نہیں ہوگا جو کے-الیکٹرک کا 10 ہزار روپے سے کم بل دیتے ہیں۔
سندھ ہائی کورٹ نے ماہانہ 300 یونٹس تک بجلی استعمال کرنے والے صارفین کو ریلیف دینے کی ہدایت کرتے ہوئے کہا کہ کم آمدنی والے پہلے ہی مہنگائی کے بوجھ تلے دبے ہوئے ہیں۔
عدالت نے معاہدے پر نظر ثانی اور ازسرنو عمل مکمل کرنے کیلیے 3 ماہ کی مہلت دے دی۔