راولپنڈی : سابق وزیر داخلہ شیخ رشید نے الزام لگایا کہ عمران خان کے پوسٹرز اتار کر نازیبا بینرز لگائے گئے، انتظامیہ اور پولیس ان سے مل چکی ہے۔
تفصیلات کے مطابق سابق وزیر داخلہ شیخ رشید نے کہا کہ ہم نے عمران خان کے جو پوسٹرز لگائے، اسکرین لگائی، وہ سرکاری ٹرکوں پر اتاری گئی اور ان کی جگہ عمران خان کے خلاف نازیبا اسکرین لگائی گئیں۔
ان کا کہنا تھا کہ لال حویلی سے پچاس سال کی تاریخ میں ایسا کبھی نہیں ہوا، انتظامیہ اور پولیس مل چکی ہے۔
شیخ رشید نے مزید کہا کہ مقتدر حلقوں اور ایجنسی کو بتانا چاہتا ہوں یہ لڑائی کرنا چاہتے ہیں، تحقیق کی جائے اس کے پیچھے کون ہے، حالات خراب ہوئے یا کوئی نقصان پہنچا امپورٹڈ حکومت ذمہ دار ہوگی۔
سابق وزیر داخلہ شیخ رشید نے سماجی رابطے کی ویب سائٹ ٹوئٹر پر اپنے بیان میں کہا کہ سپریم کورٹ کا فیصلہ آئین اور قانون کی فتح ہے، 17جولائی کےالیکشن میں قوم امپورٹڈ حکومت کی سیاست کو دفن کر دے گی۔
،شیخ رشید کا کہنا تھا کہ ایاز امیر اور عمران ریاض پر حملوں کی مذمت کرتا ہوں، حکومت جلد از جلد ملزموں کو گرفتار کرے۔
انھوں نے مزید کہا کہ لوڈشیڈنگ کے ستائے اور مہنگائی کے مارے لوگ آج پریڈ گراؤنڈ میں ہوں گے۔
سپریم کورٹ کا فیصلہ آئین اور قانون کی فتح ہے۔17 جولائی کے الیکشن میں قوم امپورٹڈ حکومت کی سیاست کو دفن کر دے گی ۔ایاز امیر اور عمران ریاض پر حملوں کی مذمت کرتا ہوں۔ حکومت جلد از جلد ملزموں کو گرفتار کرے۔لوڈشیڈنگ کے ستائے اور مہنگائی کے مارے لوگ آج شام پریڈ گراؤنڈ میں ہونگے
— Sheikh Rashid Ahmed (@ShkhRasheed) July 2, 2022