پاکستان مسلم لیگ عوامی کے سربراہ شیخ رشید نے کہا ہے کہ مالی سال 2023-24 کا بجٹ آنے والی حکومت کیلیے مشکلات پیدا کرنے کا ایجنڈا ہے۔
اے آر وائی نیوز کے مطابق مسلم لیگ عوامی کے سربراہ اور سینیئر سیاستدان شیخ رشید نے سماجی رابطوں کی ویب سائٹ ٹوئٹر پر موجودہ سیاسی صورتحال اور بجٹ کے حوالے سے ردعمل کا اظہار کیا ہے۔
شیخ رشید نے اپنے ٹویٹ میں کہا ہے کہ پی ڈی ایم اتحادی حکومت کا نئی حکومت کے لیے معاشی گڑھا کھود کر جانے کا پروگرام ہے اور مالی سال 2023-24 کا بجٹ آنے والی حکومت کیلیے مشکلات پیدا کرنے کا ایجنڈا ہے۔
سارابجٹ آنےوالی حکومت کیلئےمشکلات پیداکرنےکاایجنڈا ہےنئی حکومت کےلیےمعاشی گڑھاکھودکرجانےکاپروگرام ہےشہبازشریف نےناکامی کااعتراف توکیالیکن آنےوالی حکومت کےلیےبارودی سرنگیں بچھادیں شہبازشریف نےایک گھنٹہIMFکےہیڈسےبات کی اورنتیجہ صفرنکلا سعودیہ اورUAEکی امداد بھی خلا میں لٹک رہی ہے
— Sheikh Rashid Ahmed (@ShkhRasheed) June 11, 2023
سینئر سیاستدان نے کہا کہ جب کارخانے نہیں چلیں گے تو 14 کھرب کے بجٹ میں 7 کھرب کا خسارہ کہاں سے پورا ہوگا، محصولات کہاں سےوصول ہوں گی، غریب کے پنکھے پر بھی دو ہزار ٹیکس لگ گیا ہے۔ 10 کروڑ آدمی غربت کی لکیر سے نیچے آ گئے ہیں۔
قبرایک اوربندے تین ہیں لوٹنےاورپھوٹنےوالےسیاسی کفن پہنےکےلیےتیاررہیںPDMٹوٹ پھوٹ کاشکارہےنون اورپیپلز پارٹی آمنےسامنےآنےوالےہیں ڈان لیکس میموگیٹ پناپاپیپر انکے حقیقی اثاتےہیں چہرےاورپارٹیاں بدلنےوالوں نےعدت کےدن بھی پورےنہیں کیےاگرالیکشن میں کسی نےجھرلوپھیراتوعوام مرلو پھر دیں گے
— Sheikh Rashid Ahmed (@ShkhRasheed) June 11, 2023
ان کا کہنا تھا کہ شہباز شریف نے ناکامی کا اعتراف تو کیا آنیوالی حکومت کیلیے بارودی سرنگیں بچھا دیں۔ انہوں نے ایک گھنٹہ آئی ایم ایف کے ہیڈ سے بات کی لیکن نتیجہ صفر نکلا، سعودی عرب اور یو اے ای کی امداد بھی خلا میں لٹک رہی ہے۔
سابق وفاقی وزیر نے کہا کہ آٹا، گھی، چینی، بجلی اور گیس یہ سب زرداری، شریف اور فضل الرحمان خاندان کا مسئلہ نہیں، یہ غریب کامسئلہ ہے۔ شفاف الیکشن ہوں گے تو سرمایہ کاروں کا اعتماد بحال ہوگا لیکن پی ڈی ایم والے الیکشن میں کسی کو منہ دکھانے کے قابل نہیں رہے ہیں۔
14کھرب کا بجٹ 7کھرب کا خسارہ کہاں سےپورا ہوگاجب کارخانے نہیں چلیں گےتو محصولات کہاں سےوصول ہوں گےغریب کے پنکھےپربھی2000ٹیکس لگ گیاہےدس کروڑآدمی غربت کی لکیر سے نیچےآگئے ہیں شفاف الیکشن ہوں گےتو اندرونی اور بیرونی سرمایہ کاروں کا اعتماد بحال ہوگا اور ایکسپورٹ بڑھے گی
— Sheikh Rashid Ahmed (@ShkhRasheed) June 11, 2023
شیخ رشید نے کہا کہ جو جال کسی کیلیے بُنا تھا اس میں خود پھنس گئے نا اہل کو اہل بنانا بعد کی بات ہے، پہلے مجرم بھگوڑے کو لائیں انہیں اندازہ نہیں ان کے ساتھ کیا ہونے جا رہا ہے۔ پی ڈی ایم ٹوٹ پھوٹ کا شکار ہے ن لیگ اور پی پی آمنے سامنے آنیوالی ہیں، قبر ایک اور بندے 3 ہیں لوٹنے اور پھوٹنے والے سیاسی کفن پہننے کیلیے تیار رہیں۔