کراچی: پیپلزپارٹی کی سینیٹر شیری رحمان نے کہا ہے کہ اسلام آباد سے کراچی بھیجے جانے والے بیگ کی ائیرپورٹ پر تالا توڑ کر تلاشی لی گئی۔
اے آر وائی نیوز سے خصوصی گفتگو کرتے ہوئے شیری رحمان نے کہا کہ سمجھ نہیں آرہا،بیگ کی تلاشی کیوں لی گئی جبکہ میں ہمیشہ بیگ خود تلاشی کے لئے پیش کرتی ہوں۔
Shocked that my luggage from Islamabad to Karachi has been broken into and thoroughly roughed up off @Official_PIA flight just now. NOT ok pic.twitter.com/pX1bmyndMG
— SenatorSherryRehman (@sherryrehman) July 23, 2017
انہوں نے کہا کہ ائیرپورٹ انتظامیہ کہتی ہےآپ سینیٹرہیں لیکن پھربھی تلاشی دیتی ہوں،بیگ کا تالا توڑ کر تلاشی لی گئی جو میرے لیے ایک پیغام ہے۔
Don’t know what they were expecting to find in my bags,but after breaking locks all they founds were books and Benazir Bhutto Shaheed scarf pic.twitter.com/MtGG6M3ovH
— SenatorSherryRehman (@sherryrehman) July 23, 2017
پی پی رہنماء نے کہا کہ ملکی سیاسی صورتحال کی وجہ سے ہم اسلام آباد میں مصروف تھے، ایک ہفتے بعد کراچی پہنچی تو بیگ کو اس حالت میں پایا، لیگج میں بی بی شہید کی تصاویر، کتابیں ہی موجود تھیں تلاشی لینے والے شاید پاناما کی کوئی چیز تلاش کرنا چاہ رہے تھے.