ARYNews.tv | Urdu – Har Lamha Bakhabar

روضہ رسول ﷺ پر حاضری، شعیب اختر نے سفر مدینہ کی روح پرور ویڈیوز جاری کر دیں

Written by

ویب ڈیسک

in

,

سابق پاکستانی کرکٹر شعیب اختر مدینہ منورہ میں ہیں انہوں نے مدینے کی گلیوں میں گھومنے اور روضہ رسول ﷺ پر حاضری کی ویڈیو جاری کی ہے۔

سابق ٹیسٹ کرکٹر شعیب اختر مدینہ منورہ میں روضہ رسول ﷺ پر حاضری کی سعادت حاصل کر چکے ہیں۔ انہوں نے مدینہ منورہ سے ایک ویڈیو جاری کی ہے جس میں وہ شہر نبی ﷺ کی پر رونق گلیوں میں گھومتے دکھائی دیے ہیں۔

سماجی رابطوں کی ویب سائٹ ایکس (سابقہ ٹوئٹر) پر شعیب اختر کی جاری کردہ جس کا آغاز مدینہ منورہ کے ایئرپورٹ سے ہوتا ہے جس کے بعد وہ اس ویڈیو میں مسجد نبوی ﷺ اور بعد ازاں روضہ رسول ﷺ پر حاضری کے موقع کی ویڈیو بھی شامل ہے جب کہ اختتام میں وہ مدینہ منورہ کے قدیم قبرستان ’’جنت البقیع‘‘ کے قریب دکھائی دیتے ہیں۔

 

سابق اسپیڈ اسٹار نے اپنی ویڈیو سے قبل ایک تصویر جاری کی جس میں وہ ایک مقام پر کھڑے دکھائی دیتے ہیں اور ساتھ ہی اپنے پرستاروں سے سوال کیا کہ کیا وہ اندازہ لگا سکتے ہیں میں کس مقام پر موجود ہوں۔

 

شعیب اختر نے ایک ویڈیو جاری کی جس میں ہیش ٹیک ’سعودی عرب‘  اور ’مدینہ’ کا بھی اضافہ کیا اور بتایا کہ وہ مدینہ منورہ میں موجود ہیں اور ایک خوشگوار دن گزار لیا ہے۔

انہوں نے مدینہ کو دنیا کی سب سے خوبصورت جگہ قرار دینے کے ساتھ ساتھ خود کو خوش قسمت قرار دیا اور کہا کہ میں خوش قسمت ہوں کہ پھر سے حاضری ہو سکی ہے۔

 

بعد ازاں انہوں نے ایک اور روح پرور ویڈیو جاری کی جس میں انہیں مسجد قبیٰ، مقام غزوہ احد اور شہدائے احد کے مزارت سمیت مدینہ منورہ کے دیگر مقامات مقدسہ کی ادب کے ساتھ زیارت کرتے بھی دکھایا گیا ہے۔

 

اس ویڈیو میں شعیب اختر جذباتی انداز میں یہ کہتے دکھائی دیتے ہیں کہ انہیں لگتا ہے کہ وہ ہمیشہ سے اس سر زمین کا حصہ ہیں۔

More posts