لندن: سابق وزیراعظم شہبازشریف نے کہا ہے کہ صدر نے جو بیان دیا ہے اس کی انکوائری ہونی چاہیے، انکوائری کے ذریعے دودھ کا دودھ اور پانی کا پانی ہونا چاہیے۔
اے آر وائی نیوز کے مطابق شہباز شریف کی ایون فیلڈ اپارٹمنٹس کے باہرمیڈیا سے گفتگو کرتے ہوئے کہا ہے کہ صدرمملکت کے بیان کی انکوائری ہونی چاہیے، انکوائری کے ذریعے دودھ کا دودھ اور پانی کا پانی ہونا چاہیے۔
شہباز شریف کا کہنا تھا کہ صدر جس بل کو چیک کرتے ہیں اس پر دستخط بھی کرتے ہیں، زبانی کلامی والی کوئی بات نہیں ہوتی۔
انھوں نے کہا کہ آئینی عہدے پر بیٹھے شخص کو زبانی کلامی بات نہیں کرنی چاہیے، صدر نے اتنے دن انتظار کیوں کیا؟ یہ ایک سوالیہ نشان ہے، یہ معاملہ اتنا آسان نہیں صدر کو جواب دینا پڑے گا۔
واضح رہے کہ سابق وزیراعظم شہباز شریف چند دن پہلے لاہور سے لندن روانہ ہوئے تھے جہاں وہ نواز شریف سے ملاقات کریں گی جس میں ان کی وطن واپسی کے معاملے پر گفتگو ہوگی۔
ن لیگ پارٹی ذرائع سے ملنے والی اطلاعات کے مطابق شہباز شریف اپنے صاحبزادے سلیمان شہباز کے ہمراہ براستہ قطر لندن روانہ ہوئے، وہاں ان کی پارٹی کے دیگر اہم رہنماؤں سے بھی ملاقات طے ہے۔