سیالکوٹ ایئرپورٹ پرسیلابی صورتحال بتدریج قائم ہے، ہنگامی صورتحال کے پیش نظر 24 گھنٹے کےلیے فلائٹ آپریشن معطل کردیا گیا۔
ترجمان ایئرپورٹ نے بتایا کہ سیالکوٹ ایئرپورٹ سے سیلابی پانی کی نکاسی کی جارہی ہے، سیالکوٹ ایئرپورٹ پر 24 گھنٹے کےلیے فلائٹ آپریشن معطل رہےگا، 24 گھنٹے فلائٹ آپریشن معطلی سے متعلق باقاعدہ نوٹم جاری کردیا گیا۔
پانی کے ایئرپورٹ کے اندر داخل ہونے سے متعلق ترجمان نے بتایا کہ سیلابی پانی جنوبی اطراف سے ایئرپورٹ کی جانب آیا، تاہم ایئرپورٹ پر نصب تمام تر آلات مکمل طور پر محفوظ ہیں۔
سیالکوٹ ایئرپورٹ کے ترجمان کا مزید کہنا تھا کہ سیلابی پانی نکالنے کےلیے ڈی واٹرنگ پمس سمیت تمام تر وسائل بروکار لائے جارہے ہیں۔
صوبہ پنجاب کے شہر سیالکوٹ میں 48 گھنٹوں کے دوران 512 ملی میٹر کی ریکارڈ توڑ بارش ہوئی ہے جس سے شہر اور مضافاتی علاقے جل تھل ہوگئے ہیں۔
ڈی سی صبا اصغر کہ اڑتالیس گھنٹوں کے دوران پانچ سو بارہ ملی میٹر کی بارش ہوئی ہے، جس سے اربن ایریاز میں بہنے والے 3 نالوں سے پانی اوور فلو ہو رہا ہے۔
ڈپٹی کمشنر کے مطابق سیالکوٹ میں پہلی بار اس قسم کا سیلاب آیا ہے، اربن ایریاز میں گزشتہ روز کشتیاں چلائی گئی ہیں، ایسے حالات میں سیلاب متاثرین کی ہر ممکن مدد یقینی بنانے کی کوشش کی جا رہی ہے۔
https://urdu.arynews.tv/sialkot-received-405-millimeters-of-rain-in-24-hours/