کراچی : سندھ ہائی کورٹ نے کالعدم تنظیم کے مبینہ ٹارگٹ کلرمشتاق عرف شاہ کی سزا کالعدم قرار دیتے ہوئے ملزم کو بری کردیا۔
تفصیلات کے مطابق سندھ ہائیکورٹ میں فرقہ وارانہ ٹارگٹ کلنگ کے جرم کی سزا کیخلاف اپیل منظور کرلی گئی۔
عدالت نے کالعدم تنظیم کے مبینہ ٹارگٹ کلرمشتاق عرف شاہ کی سزا کالعدم قرار دیتے ہوئے ملزم مشتاق عرف شاہ جی کو بری کردیا۔
عدالت نے ملزم کو جیل سے رہا کرنے کا حکم دیتے ہوئے کہا کہ پراسیکیوشن اور پولیس ملزم پر لگائے گئے الزامات ثابت نہیں کرسکے، ملزم کیخلاف کوئی اور کیس نہیں ہے تو جیل سے رہا کیا جائے۔
اےٹی سی نے ملزم مشتاق عرف شاہ جی کوٹارگٹ کلنگ کے جرم میں عمرقید کی سزاسنائی تھی ، ملزم کیخلاف 2012 میں تھانہ شاہ لطیف میں فرقہ وارانہ ٹارگٹ کلنگ کا مقدمہ درج کیا گیا تھا۔
پولیس کا کہنا ہے کہ ملزم مشتاق اورساتھیوں کی فائرنگ سےاطہر شاہ جاں بحق، مظاہرشاہ زخمی ہوئےتھے جبکہ جوابی فائرنگ میں شریک ملزم عرفان بھی جاں بحق ہوگیا تھا۔