یونان کشتی سانحے پر امیر جماعت اسلامی نے ٹویٹ کیا ہے جس میں حادثے پر افسوس کا اظہار کرنے کے ساتھ لکھا ہے کہ پی ڈی ایم حکومت کی ظالمانہ پالیسیوں نے ملک کو ناقابل رہائش بنا دیا ہے۔
اے آر وائی نیوز کے مطابق یونان کشتی ڈوبنے کے المناک واقعے میں جاں بحق ہونے والوں میں درجنوں پاکستانی بھی شامل ہیں۔ اس دردناک واقعے پر امیر جماعت اسلامی سراج الحق نے ٹویٹ کیا ہے اور کہا ہے کہ یونان کشتی سانحے پر ہر پاکستانی کا دل دکھی ہے۔ سینکڑوں نوجوانوں نے بہتر مستقبل کے لیے لاکھوں روپے خرچ کیے لیکن کھلے سمندر میں جان سے گئے اور ان کے ساتھ ہی ان کے گھروں کی امیدیں بھی ڈوب گئیں۔
سراج الحق نے اپنے ٹویٹ میں موجودہ حکومت پر کڑی تنقید کرتے ہوئے کہا کہ پی ڈی ایم حکومت کی ظالمانہ پالیسیوں نے ملک کو ناقابل رہائش بنا دیا ہے۔ اعلیٰ تعلیم یافتہ ہوں یا مزدور، اکثر حالات سے مایوس ہو کر ملک چھوڑنا چاہتے ہیں۔
سانحہ یونان سے ہر پاکستانی کا دل دکھی ہے۔ حالات کی تنگی کا شکار سینکڑوں نوجوان بہتر مستقبل کی آس میں لاکھوں روپیہ خرچ کرکے گھروں سے نکلے مگر کھلے سمندر میں بےبسی کے عالم میں اپنی جان سے گئے، ان کے گھر کی امیدیں بھی ساتھ ڈوب گئیں
پی ڈی ایم کی ناکام حکومت نے اپنی ظالمانہ اور بےحسی…— Siraj ul Haq (@SirajOfficial) June 18, 2023
ان کا کہنا تھا کہ حکمرانوں اور حکومتی پارٹیوں سے منسلک لوگوں کے اثاثے بڑھ رہے ہیں جب کہ عوام کی قسمت میں صرف مہنگائی اور بیروزگاری ہے۔ اس ظالمانہ نظام سے نجات ضروری ہے۔