موغا دیشو: اقوام متحدہ کی گاڑی پر ہونے والے حملے میں کینیا سے تعلق رکھنے والے دواورصومالیہ سے تعلق رکھنے والے سات افراد بم حملے میں میں ہلاک ہوگئے۔
پولیس حکام کی جانب سے خیال ظاہرکیا جارہا ہے پنٹ لینڈ میں ہونے والے اس حملے میں الشباب نامی دہشت گرد تنظیم شامل ہے
پولیس افسر محمد عابدی کے مطابق اقوام متحدہ کی بس اہلکاروں کو لے دفتر کی جانب جارہی تھی کہ دھماکہ ہوگیا جس میں نو افراد جاں بحق ہوئے ہیں۔
صومالیہ میں اقوام متحدہ کے خصوصی نمائندے نکولس کے نے دھماکے کی مذمت کرتے ہوئے اپنے ٹویٹر پیغام میں انسانی جانوں کے ضیاع پرصدمے اور رنج کا اظہار کیا۔
I condemn attack this morning on @UN in #Garowe. Shocked and appalled by loss of life. More details to follow. @UNSomalia #Somalia
— Nick Kay (@Somalia111) April 20, 2015
واضح رہے کہ حالیہ سالوں میں صومالیہ میں 20 سال تک جاری رہنے والی جنگ کے بعد تعمیرِنو کے لئے سرگرم اقوام متحدہ پر الشباب کئی حملے کرچکی ہے۔